Agjencia e lajmeve AP shkruan se shefi i diplomacisë ruse Sergej Lavrov në Moskë i ka bërë sekretarit amerikan të Shtetit, Rex Tillerson një pritje “të ftohtë të pakëndshme”.
Lavrov me këtë rast akuzoi Uashingtonin se ka kryer sulm jo ligjor në territorin e Sirisë.
“Ishte ky një fillim ogurzi i vizitës së Tillerson, e para vizitë në Rusi e ndonjë zyrtari të kabinetit të presidentit të SHBA-ve, Donald Trump”, thekson AP.
Agjencia shkruan se po zgjerohet hendeku ndërmjet dy armiqve nga Lufta e Ftohtë, edhe pse para disa javësh ishte dukur se Trump, i cili falënderoi presidentin e Rusisë, Vladimir Putin gjatë kampanjës, është i gatshëm për afrimin potencial të nivelit historik me Rusinë.
Tillerson në takim me Lavrov porositi se linjat e komunikimit ndërmjet dy shteteve do të mbeten gjithnjë të hapura, duke vlerësuar se takimi i sotëm mbahet në një moment të rëndësishëm, në mënyrë që Rusia dhe SHBA-të të mund të precizojnë fushën e interesit të përbashkët.
-
Rusia akuzon SHBA-në se nuk ka përmbushur “mirëkuptimet” e arritura në samitin Trump-Putin
-
Kryediplomati rus thotë se procesi i paqes për Ukrainën ka ngecur
-
Të dërguarit amerikanë s’e vizitojnë Kievin, Zelensky e quan “mungesë respekti”
-
Rusia kërkon bisedime SHBA-Iran, paralajmëron kundër përdorimit të forcës
-
Witkoff dhe Kushner kërkojnë takim me Putinin për Ukrainën