Numri i vrasjeve masive në SHBA të lidhura me ekstremizmin gjatë dekadës së fundit ishte të paktën tre herë më i lartë se totali nga çdo periudhë 10-vjeçare që nga vitet 1970, sipas një raporti organizatës kundër shpifjes, ADL.
Raporti – të cilin e ka marrë Associated Press – ka gjetur se të gjitha vrasjet e ekstremistëve të identifikuara më 2022 ishin të lidhura me ekstremizmin e krahut të djathtë, me një numër veçanërisht të lartë të lidhur me epërsinë shoqërore. Ato përfshijnë vrasjet masive raciste në një supermarket në Buffalo, New York, që la 10 shtetas të racës së zezë të vdekur dhe vrasjen e pesë personave nga komuniteti LGBT në një klub nate në Kolorado.
“Nuk është ekzagjerim të thuash se ne jetojnë në një epokë të vrasjeve masive ekstremiste”, thuhet në raport.
Mes dy dhe shtatë vrasje masive të lidhura me ekstremizmin ndodhën çdo dekadë nga vitet 1970 deri më 2000, por më 2010 ky numër u rrit në 21, thuhet tutje.
Trendi që nga atëherë ka vazhduar me pesë vrasje masive ekstremiste më 2021 dhe 2022, aq sa ka pasur gjatë dekadës së parë të mijëvjeçarit të ri.
Numri i viktimave është rritur po ashtu. Mes viteve 2010-2020, 164 persona u vranë nga vrasjet masive të lidhura me ekstremistët, sipas raportit. Kjo është më shumë se çdo dekadë tjetër, përveç viteve 1900, kur një bombë në një ndërtesë në Oklahoma la të vdekur 168 persona.
Vrasjet ekstremiste janë ato që kryhen nga persona që kanë lidhje me lëvizje dhe ideologji ekstreme.
Edhe
SHBA-ja shënon nivelin më të lartë të vdekjeve nga armët në 30 vjet
Disa faktorë të kombinuar kanë qenë shkak për rritjen e shifrave midis viteve 2010 dhe 2020. Pati të shtëna të frymëzuara nga ngritja e grupit të Shtetit Islamik, si dhe një pjesë e vogël që synonte oficerët e policisë pas të shtënave civile.
93% e vrasjeve më 2022 u kryen me armë zjarri. Në raport është theksuar se asnjë polic nuk është vrarë nga ekstremistët vitin e kaluar, për herë të parë nga viti 2011.
Me zbehjen e grupit të Shtetit Islamik, kërcënimi kryesor në të ardhmen e afërt ka të ngjarë të jenë sulmuesit supremacist të racës së bardhë, thuhet në raport. Ndërkohë, rritja e numrit të tentativave për vrasje masive është një nga tendencat më alarmante në vitet e fundit, tha zëvendëspresidenti i ADL-së, Oren Segal.
