Miliona afganë do të përballen me urinë këtë dimër nëse nuk ndërmerren veprime urgjente, ka paralajmëruar Programi Botëror i Ushqimit i OKB-së (WFP).
Më shumë se gjysma e popullsisë - rreth 22.8 milionë njerëz - përballet me pasiguri akute ushqimore, ndërsa 3.2 milionë fëmijë nën pesë vjeç mund të vuajnë nga kequshqyerja akute, tha WFP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Afganistani tani është ndër krizat më të këqija humanitare në botë, nëse jo më e keqja. Ne jemi në një numërim mbrapsht për katastrofën", tha David Beasley, drejtor ekzekutiv i WFP.
Afganistani ra në duart e talebanëve në gusht pasi SHBA-ja tërhoqi trupat e saj të fundit të mbetur dhe militantët rimorën terrenin.
Marrja në dorë e shtetit nga talebanët dobësoi ekonominë tashmë të brishtë që varej shumë nga ndihma e huaj. Fuqitë perëndimore pezulluan ndihmën dhe Banka Botërore dhe Fondi Monetar Ndërkombëtar gjithashtu ndaluan pagesat.
Një komb konsiderohet i varur nga ndihma kur 10% ose më shumë e prodhimit të tij bruto vendas vjen nga ndihma e huaj; në rastin e Afganistanit, rreth 40% e PBB-së ishte ndihma ndërkombëtare, sipas Bankës Botërore.