A do të jetë marrëveshja e Trumpit me Iranin më e mirë se ajo e Obamës?

Presidenti amerikan, Donald Trump, ka bërë më parë disa premtime shumë të rëndësishme lidhur me një marrëveshje për t’i dhënë fund luftës që ai kishte nisur me Iranin, më 28 shkurt.

Do të sigurojë që Irani të mos mund të zotërojë kurrë armë bërthamore.
Marrëveshja e Trumpit do të jetë më e mirë se ajo e presidentit Barack Obama.

Trump iu referua pikërisht kësaj pike të dytë në një postim në rrjetin e tij social të dielën.

“Marrëveshja e Obamës ishte një rrugë drejt armës bërthamore për Iranin, me para dhe gjithçka tjetër, një nga marrëveshjet më të këqija dhe më budallaqe që ka bërë ndonjëherë SHBA-ja. Marrëveshja jonë është një mur kundër mundësisë që Irani të ketë ndonjëherë armë bërthamore, krejt e kundërta e asaj të Obamës”, ka shkruar ai.

Në këtë moment është e pamundur të bëhet një krahasim i drejtpërdrejtë, shkruan CNN, pasi memorandumi i shpallur nga Trumpi të dielën nuk është një marrëveshje afatgjatë për programin bërthamor, por një marrëveshje për ndalimin e luftës.

Edhe Botë 20 pri 2026 Trumpi thotë se marrëveshja me Iranin do të ndodhë shpejt dhe se do të jetë shumë më e mirë

Nën administratën e Obamës, SHBA-ja ishte pjesë e një koalicioni ndërkombëtar që arriti një marrëveshje me Iranin për të kufizuar programin e tij bërthamor. Inspektorët ndërkombëtarë verifikuan se Irani po e respektonte marrëveshjen dhe vendi fitoi qasje më të madhe në të ardhurat nga eksporti i naftës.

Trumpi e ka anuluar atë marrëveshje gjatë mandatit të tij të parë. Më pas edhe Irani është tërhequr nga marrëveshja dhe ka rifilluar pasurimin e uraniumit.

Marrëveshja e re e Trumpit është shumë ndryshe. Ajo synon të ndalojë armiqësitë mes vendeve dhe të rihapë Ngushticën e Hormuzit. Sipas raportimeve, SHBA-ja do të ndalojë bllokadën e porteve iraniane, ndërsa Irani do të lejojë kalimin e anijeve përmes ngushticës.

Megjithatë, një marrëveshje afatgjatë për të kufizuar ambiciet bërthamore të Iranit do të duhet të negociohet në ditët në javët në vijim.

Edhe Botë 3 gus 2026 Trumpi thotë se sot do të nisin bisedimet e reja me Iranin, Teherani e mohon

Trumpi është ankuar shpesh se marrëveshja e Obamës përfshinte dërgimin e parave nga SHBA-ja drejt Iranit. Në fakt, ato para përfaqësonin zgjidhjen e një mosmarrëveshjeje të vjetër lidhur me armët që Irani kishte blerë nga SHBA-ja para Revolucionit Iranian.

Mbetet ende e paqartë se cilat elemente financiare mund të përfshihen në marrëveshjen e re të Trumpit.