Kryeministri i Hungarisë, Viktor Orban, arriti për vizitë në Kiev, për herë të parë prej se Rusia nisi pushtimin në shkallë të plotë të Ukrainës në vitin 2022.
Zëdhënësi i tij, Zoltan Kovacs, tha se Orban do të diskutojë për “paqen evropiane” me presidentin ukrainas, Volodymyr Zelensky.
“Bisedimet do të fokusohen në mundësitë për arritjen e paqes, si dhe në çështjet aktuale në marrëdhëniet dypalëshe hungareze-ukrainase”, shkroi Kovacs në X.
Vizita e tij vjen një ditë pasi Hungaria mori presidencën e radhës të Këshillit të Bashkimit Evropian.
Orban është kritik i ndihmave ushtarake të Perëndimit për Ukrainën.
Dhjetorin e kaluar, ai u largua nga një takim i liderëve të Bashkimit Evropian për të shmangur votimin kundër nisjes së bisedimeve për anëtarësimin e Ukrainës në BE.
Edhe
Orbani i kërkon Zelenskyt armëpushim
BE-ja, muajin e kaluar, i nisi këto bisedime me vendin në luftë.
Orban është, po ashtu, një nga udhëheqësit e paktë perëndimorë që është takuar me presidentin rus, Vladimir Putin, prej se ai ka urdhëruar pushtimin e vendit fqinj./REL
-
Hungaria vazhdon të bllokojë ndihmat e BE-së për Ukrainën dhe sanksionet për Rusinë
-
Orbani injoron partnerët e BE-së, i kërkon Putinit më shumë naftë dhe gaz
-
Orban: Samiti i paqes për Ukrainën nuk është hequr nga agjenda
-
Orban krenohet se Budapesti është i vetmi vend në Evropë ku Trumpi mund të takohet me Putinin