Masat e përkohshme që mori GJND-ja ndaj Izraelit

Gjykata Ndërkombëtare e Drejtësisë të premten e ka urdhëruar Izraelin që të ndërmarrë të gjitha masat për të parandaluar akte që përbëjnë gjenocid. Megjithatë, ajo nuk ka urdhëruar armëpushim në Gazë, gjë që ishte kërkuar nga Afrika e Jugut e cila e dërgoi rastin për gjenocid kundër Izraelit në GJND.

Masat e përkohshme që ka marrë gjykata:

1. Izraeli duhet të ndërmarrë të gjitha masat për të parandaluar çdo akt që mund të konsiderohet gjenocidal – vrasja e anëtarëve të një grupi, shkaktimi i lëndimeve trupore, shkaktimi i kushteve që sjellin shkatërrimin e një grupi, parandalimi i lindjeve
2. Izraeli duhet të sigurojë që ushtria e tij të mos kryejë ndonjë akt gjenocidal
3. Izraeli duhet të parandalojë dhe të ndëshkojë çdo koment publik që mund të konsiderohet nxitje për të kryer gjenocid në Gaza
4. Izraeli duhet të ndërmarrë masa për të siguruar qasje për ndihma humanitare
5. Izraeli duhet të parandalojë çdo shkatërrim të provave që mund të përdoren në një rast gjenocidi
6. Izraeli duhet ta dorëzojë një raport në gjykatë brenda një muaji nga kur jepet ky urdhër