“I kam humbur katër nuse të djemve, katër djem dhe nipërit. S'kam asgjë tjetër të them. I kam humbur 11 anëtarë të familjes sot”, ka thënë Taj Mohammad, banor i fshatit Herat në Afganistan, pasi tërmeti shkaktoi mijëra viktima.
Dridhjet që u regjistruan të shtunën (7 tetor) shkatërruan edhe shumë shtëpi e vendbanime, e shumë banorë të tjerë ende kanë ngelur nën gërmadha.
Banorët thanë se secila shtëpi ka të paktën 3-4 të vdekur, ka raportuar BBC-ja.
“Nëpër fshat secila familje ka disa të vdekur dhe të gjitha shtëpitë janë shkatërruar. Secila shtëpi i ka 3-4 të vdekur”, është shprehur një burrë i quajtur Ataullah.
Fshatarët ende po përdorin lopata dhe duar për t’i kërkuar mbi 500 persona të zhdukur, thuhet në një raport të OKB-së.
Ekziston frika se numri i të vdekurve mund të jetë shumë më i lartë, ndërsa komunikimi dhe transportimi i të lënduarve ka qarkulluar vetëm nga e hëna, pasi zona ishte e Heratit ishte tërësisht e shkatërruar.
