Një grua dhe shtatë fëmijët e saj vdiqën në ndërtesën ku jetonin, pasi shpërtheu një zjarr në veri të Francës, raportoi Dailymail të hënën.
Zjarri nisi pak pas mesnatës në shtëpinë e tyre në qytetin Charly-sur-Marne, derisa në vendin e ngjarjes dolën 50 zjarrfikës.
Nga kjo familje ka shpëtuar vetëm burri, duke pësuar djegie të rënda.
Nëna dhe fëmijët vdiqën nga asfiksia, sipas prokurorit lokal Julien Morino-Ros.
Ai theksoi se zjarri u shkaktua nga tharësja e rrobave që nuk funksiononte si duhet në katin përdhes.
