1 perditesime
15:24

Shkon në 50 numri i të vdekurve nga kamioni i braktisur në Teksas

Ka shkuar në 50 numri i të vdekurve nga kamioni i braktisur në periferi të San Antonio, Teksas të martën – që besohet të jetë rasti më i keq i fundit i vdekjeve të emigrantëve për shkak të kontrabandës në SHBA.

Ministri i Jashtëm i Meksikës konfirmoi se në mesin e të vdekurve janë 22 meksikanë, shtatë guatemalanë dhe dy hondurasë, raportoi BBC.

Gjashtëmbëdhjetë persona, përfshirë katër fëmijë, u dërguan në spital.

Të mbijetuarit vuanin nga lodhja nga nxehtësia.

San Antonio, i cili është 250 km nga kufiri SHBA-Meksikë, është një rrugë kryesore tranziti për kontrabandistët e njerëzve.

Trafikantët e qenieve njerëzore shpesh përdorin kamionë për të transportuar migrantë pa dokumente, pasi i takojnë në zona të largëta pasi të kenë arritur të kalojnë në Shtetet e Bashkuara.

07:42

Gjenden 46 të vdekur në një kamion të braktisur në Teksas

Të paktën 46 persona, që dyshohet se ishin migrantë, janë gjetur të vdekur në një kamion të braktisur në periferi të San Antonios, Teksas.

Një zyrtar zjarrfikës tha se 16 persona, përfshirë katër fëmijë, janë dërguar gjithashtu në spital, raportoi BBC të martën.

Të mbijetuarit, sipas tij, ishin "të nxehtë në prekje" dhe vuanin nga lodhja si pasojë e nxehtësisë.

San Antonio, 250 km larg nga kufiri SHBA-Meksikë, është një rrugë kryesore tranziti për kontrabanduesit e njerëzve.

Trafikantët e qenieve njerëzore shpesh përdorin kamionë për të transportuar emigrantë.

"Ata kishin familje dhe po përpiqeshin të gjenin një jetë më të mirë. Nuk është asgjë më pak se një tragjedi e tmerrshme njerëzore”, ka thënë kryebashkiaku i San Antonios, Ron Nirenberg.

Reaguesit e urgjencës mbërritën fillimisht në vendngjarje rreth orës 18:00 sipas orës lokale, pasi iu përgjigjën raporteve për një trup të pajetë, tha shefi i zjarrfikësve në San Antonio, Charles Hood.

Ai shtoi se automjeti, i cili ishte braktisur nga drejtuesi i tij, nuk kishte ajër të kondicionuar dhe nuk kishte ujë të pijshëm brenda.

Ministri i Jashtëm i Meksikës, Marcelo Ebrard, tha se dy guatemalas ishin në mesin e atyre që u dërguan në spital. Kombësia e viktimave të tjera nuk është ende e qartë.