Presidenti i SHBA-së, Joe Biden, është duke monitoruar zhvillimet pas tërmetit vdekjeprurës në Afganistan dhe ka urdhëruar administratën e tij të vlerësojë opsionet e reagimit të SHBA-së, ka thënë të mërkurën këshilltari i sigurisë kombëtare, Jake Sullivan, shkruan “Politico”.
"Jemi të përkushtuar të vazhdojmë mbështetjen tonë për nevojat e popullit afgan, ndërsa qëndrojmë me ta gjatë dhe pas kësaj tragjedie të tmerrshme", ka thënë Sullivan.
Sekretari i Shtetit, Antony Blinken, ka thënë se Shtetet e Bashkuara janë në kontakt me grupet humanitare aktive në Afganistan që marrin mbështetje nga Uashingtoni.
“Partnerët humanitarë të SHBA-së tashmë po përgjigjen, duke përfshirë edhe dërgimin e ekipeve mjekësore për të ndihmuar njerëzit e prekur dhe ne po vlerësojmë opsionet e tjera të reagimit”, thuhet në deklaratën e lëshuar nga Zyra e Blinkenit.
Një tërmet i fuqishëm goditi rajonin malor në lindje të Afganistanit dhe la të vdekur të paktën një mijë njerëz. Raportohet për mbi 1500 të lënduar.
Edhe
Trumpi mbledh sonte ekipin e sigurisë kombëtare lidhur me Iranin
Tërmeti me magnitudë prej 6.1 shkallë të Rihterit, është një nga më vdekjeprurësit në dekada, kanë thënë zyrtarët në Afganistan. Numri i të vdekurve mund të vazhdojë të rritet ndërsa ekipet po i largojnë rrënojat.
