Nëntë persona janë arrestuar pas një shpërthimi në një restorant në veri-perëndim të Kinës, i cili ka vrarë të paktën 31 persona.
Një rrjedhje gazi dyshohet se ka shkaktuar shpërthimin në qytetin Yinchuan mbrëmjen e së mërkurës.
Presidenti kinez Xi Jinping ka bërë thirrje për “përpjekje të gjithanshme” në operacionin e shpëtimit dhe ka kërkuar një hetim mbi shpërthimin, shkruan BBC.
Pronari i restorantit Fuyang Barbecue ishte në mesin e të arrestuarve, raportuan mediat shtetërore.
Shpërthimi ndodhi në prag të festës tre-ditore të Dragon Boat Festival në Kinë, një kohë kur shumë familje dhe miq mblidhen për vaktet festive.
Edhe
Dy të vdekur e mbi 20 të lënduar nga një shpërthim në Kinë
Disa nxënës të shkollave të mesme dhe pensionistë ishin në mesin e të vdekurve.
Të paktën shtatë persona janë të plagosur, njëri prej të cilëve është në gjendje kritike, ka njoftuar agjencia e lajmeve Xinhua.
Presidenti Xi Jinping ka bërë thirrje për përpjekje maksimale në trajtimin e të plagosurve dhe rritjen e masave të sigurisë.
“Ne duhet të bëjmë çmos për të shpëtuar të plagosurit dhe për të siguruar familjet e viktimave, për të identifikuar shkakun e aksidentit sa më shpejt të jetë e mundur dhe për të ndjekur seriozisht përgjegjësit sipas ligjit”, tha Xi.
Restoranti është pjesë e një grupi restorantesh dhe ambientesh argëtimi në qendër të qytetit Yinchuan.
Edhe
39 të vdekur nga zjarri në një dyqan në Kinë
Transmetuesi shtetëror CCTV transmetoi pamjet e më shumë se një duzinë të zjarrfikësve duke shuar zjarrin ndërsa tymi derdhej nga një vrimë e hapur në fasadën e restorantit. Pjesët e qelqit dhe mbeturinat e tjera mbushën rrugë.
Sipas një hetimi paraprak nga zjarrfikësit, një punonjës restoranti kishte ndjerë erën e rrjedhjes së gazit rreth një orë para shpërthimit.
