29 të vrarë pas arrestimit të djalit të El Chapos

Njëzet e nëntë persona janë vrarë gjatë arrestimit të djalit të mbretit meksikan të drogës El Chapo, shkruan BBC.

Ovidio Guzmnn-Lopez - vetë supozohet se ishte udhëheqës i ish-kartelit të babait të tij - u kap në Culiacan dhe u dërgua në Mexico City të enjten.

Gjatë arrestimit të 32-vjeçarit, 10 ushtarë dhe 19 të dyshuar u vranë, kanë thënë zyrtarët.

Si hakmarrje për arrestimin, anëtarët e bandës ngritën blloqe rrugësh, u vunë flakën automjeteve dhe sulmuan një aeroport lokal.

35 personel të tjerë ushtarakë u plagosën dhe 21 persona të armatosur u arrestuan, ka thënë ministri i Mbrojtjes, Luis Cresencio Sandoval, në një konferencë për shtyp të premten.

Guzman-Lopez - i vetëquajtur "Miu" - akuzohet se ka udhëhequr një fraksion të kartelit famëkeq Sinaloa të babait të tij. Është një nga organizatat më të mëdha të trafikut të drogës në botë.

Babai i tij, Joaquin "El Chapo" Guzman, po vuan dënimin me burg të përjetshëm në SHBA pasi u shpall fajtor në vitin 2019 për trafik droge dhe pastrim parash. Gjyqi i tij zbuloi disa nga detajet brutale se si funksionojnë kartelet e drogës në Meksikë.

Edhe Botë 5 d. më parë SHBA-ja dënon me burgim të përjetshëm ish-udhëheqësin famëkeq të kartelit meksikan të drogës

SHBA-ja ka luajtur rol të rëndësishëm në arrestimin e Guzman-Lopezit.

Sipas Departamentit të Shtetit, ai dhe vëllai i tij Joaquin aktualisht kanë në pronësi afërsisht 11 laboratorë të metamfetaminës në shtetin meksikan të Sinaloas, duke prodhuar rreth 1.300-2.200 kg të drogës në muaj.

SHBA-ja ka informata se Guzman-Lopez urdhëroi vrasjen e informatorëve, një trafikanti droge dhe një këngëtari të njohur meksikan, i cili refuzoi të këndonte në dasmën e tij.