Të paktën 23 persona kanë mbetur të vdekur si pasojë e një zjarri që ka shpërthyer në një spital që po trajtonte të sëmurët me koronavirus në kryeqytetin e Irakut, Bagdad.
Ndërkohë, dhjetëra pacientë të tjerë janë lënduar nga zjarri që shpërtheu të shtunën mbrëma në këtë spital.
Sipas raporteve të para, një aksident ka ndikuar që rezervuari i oksigjenit të shpërthejë, duke shkaktuar kështu flakë të madhe.
Kryeministri i Irakut, Mustafa al-Kadhimi ka bërë thirrje për hetim të menjëhershëm për shkaqet që quan në atë që ai e quajti “një aksident tragjik”.
Ndërkaq, ministri i Mbrojtjes Civile, Kadhim Bohan ka thënë në një deklaratë për media se zjarri kishte shpërthyer në njësinë e kujdesit intensiv të spitalit, konkretisht në dyshemenë e “dizajnuar për reanimacion pulmonar”.
Edhe
Zjarr në një repart të pacientëve me COVID-19 në Irak, të paktën 60 të vdekur
Ekipi i emergjencës ka arritur të shpëtojë 90 nga 120 pacientët dhe të afërmit e tyre.
Siç është bërë e ditur, rreth 30 pacientë ishin të shtrirë në njësinë e kujdesit intensiv, e cila ishte e rezervuar për rastet më të rënda të COVID-19.
