Një ish-kolonel i forcave ajrore të Tajvanit është dënuar me 20 vjet burgim për drejtimin e një rrjeti të spiunazhit për Kinën, raporton BBC.
Liu Shengshu është dënuar se ka rekrutuar ushtarakë tjerë aktivë për të transmetuar sekrete ushtarake te Pekini.
Pesë ushtarakë tjerë – nga forcat detare dhe ato ajrore – u burgosën nga 6 muaj deri 20 vjet burgim për përfshirjen e tyre.
Raportet e mediave lokale thonë se Liu ishte rekrutuar nga Kina gjatë një udhëtimi pune që e pati atje në vitin 2013.
Ai raportohet se ka drejtuar një rrjet të spiunëve, duke i paguar ato nëpërmjet kompanive.
Edhe
Tajvani arreston katër ushtarë për spiunazh për Kinën
Prokurorët thanë se ai është paguar për t’i transmetuar Kinës sekrete ushtarake, si detaje për funksionimin e aeroplanëve ushtarakë dhe anijeve ushtarake.
Pos dënimit me burgim, autoritetet kanë sekuestruar 514 mijë dollarë, të cilat thonë se i ka fituar paligjshëm.
