10 të vdekur nga një shpërthim në një fabrikë ruse të armëve

Të paktën dhjetë persona kanë mbetur të vdekur nga një shpërthim në një fabrikë ruse në Urale, që prodhonte municione dhe armë për ushtrinë, thonë raportet.

Dëshmitarët kanë thënë se kanë parë shpërthime dhe zjarr në fabrikën ushtarake Plastmass në Kopeisk, pranë qytetit të Chelyabinsk

Guvernatori rajonal, Alexei Teksler, nuk ka specifikuar se cila fabrikë ishte goditur, por ka konfirmuar numrin e të vdekurve. 

Agjencia e lajmeve Tass ka thënë se 18 persona të tjerë janë plagosur.

Autoritetet nuk kanë thënë se çfarë e shkaktoi shpërthimin, por Teksler theksoi se nuk bëhet fjalë për një sulm me dron.

Zjarri është shuar teksa hetuesit thonë se kanë hapur një hetim penal për shpërthimin.