Si rrallë herë në karrierën e gjatë, Adis Beqiragiq shpërtheu të dielën në ndeshjen e Trepçës ndaj Bashkimit. Ai reagoi pas një vendimi të gjyqtarëve, ndërsa hyri në mes të fushës. Mezi është ndalur më pas nga lojtarët e Trepçës, gjatë vërsuljes ndaj gjyqtarit.
Trajneri i Trepçës u largua nga banka, ndërsa të martën u pezullua me një ndeshje dhe u gjobit me 600 euro nga FBK-ja.
Shpërthimi i Beqiragiqit ndërkohë është bërë lajm në mediat boshnjake. Ai është nga Bosnjë-Hercegovina, ndërsa ka drejtuar me sukses përfaqësuesen e këtij vendi.
“Beqiragiqi solli ndërprerjen e ndeshjes në Kosovë”, ka shkruar mediumi “Dnevni Avaz”.
“Adis Beqiragiq bëri kaos në Kosovë: Hyri në parket dhe mes sharjeve ndërpreu ndeshjen”, ka shkruar “Oslobogjenje”.
Edhe
Beqiragiq suspendohet për një ndeshje dhe gjobitet
Në frymë të njëjtë kanë shkruar edhe mediat tjera në Bosnjë-Hercegovinë, ku trajneri i Trepçës është goxha i respektuar.
Beqiragiq ka disa vjet që e udhëheqë Trepçën me shumë sukses. Nën drejtimin e tij skuadra mitrovicase mblodhi gjithë trofetë në dy vjetët e fundit. Tekniku boshnjak shprehu shumë pakënaqësi ndaj punës së arbitrave në dy ndeshjet e fundit.
