Peja ia ka shkaktuar humbjen e pestë këtë edicion në Superligën e Kosovës në basketboll, Vëllaznimit. Të shtunën në palestrën “Karagaçi”, Peja e mposhti Vëllaznimin me rezultatin 75:68. Ndeshja i takoi xhiros së tetë.
Peja ishte më dominuese në ndeshje duke i fituar tre çerekët me rezultatet 19:13, 20:14 dhe 20:16. Ndërsa Vëllaznimi e fitoi çerekun e katërt me rezultatin 25:16.
Musab Malaj dhe Jacquez Yow e udhëhoqën Pejën drejt fitores.
Malaj kishte 14 pikë, dy kërcime dhe shtatë asistime. Yow kishte 13 pikë dhe 12 kërcime.
Te Vëllaznimi, Trey Anderson kishte 18 pikë dhe tetë kërcime.
Peja ka tri fitore dhe pesë humbje. Vëllaznimi ka po ashtu tri fitore.
