Basketbollistet e Peja 03 kanë shënuar sukses historik.
Të mërkurën mbrëma e fituan ndeshjen e parë në “FIBA Europe Cup”.
Për skuadrën pejane është debutim në këtë garë, ndërsa suksesi u arrit në udhëtim te Levhartice Chomutov e Republikës së Çekisë, pas fitores 73:65.
Vendëset dominuan në dy çerekët e parë duke fituar 19:16 dhe 19:12, duke shkuar në pushimin e gjatë me dhjetë pikë dallim, 38:28.
Por, basketbollistet e udhëhequra nga trajneri Izzat Ismail, shkëlqyen pas pushimit.
Me rezultatin 19:10 e fituan çerekun e tretë, ndërsa dhjetë minutat e fundit i fituan me shifrat 26:17, për fitoren e madhe në debutim.
KBF Peja 03 mposhtet sërish në “FIBA Eurocup Women”
Eve Wembanyama pati statistikat më të mira te skuadra pejane. Ajo i pati plot 27 pikë të realizuara, gjashtë kërcime e tri asistime.
Kontribut të madh në fitoren e së mërkurës mbrëma te KBF Peja 03 dha edhe Jacaira Allen, me 18 pikë, plot 12 kërcime e një asistim. Dazia Lawrence i shënoi 16 pikë, ndërsa shtoi edhe tri kërcime e po aq asistime.
Nga basketbollistet vendore nuk u shënua asnjë pikë.
KBF Peja 03 është në Grupin F, ku janë edhe Kibirkstis-TOKS dhe Rutronik Stars Keltern.
Edhe
Peja shënon fitoren e parë në ENBL
Ndeshjen e radhës e luan më 16 tetor ndaj Kibirkstis-TOKS, që është skuadër nga Lituania.
Dy të parat e secilit prej 12 grupeve dhe katër më të mirat e vendeve të treta, avancojnë në fazën nokaut.
