Bashkimi nuk pati telashe në ndeshjen e parë duke fituar thellë 106:69 në udhëtim te Vëllaznimi në xhiron e parë.
Por ndryshe ishte dueli i xhiros së dytë për prizrenasit.
Bashkimi të dielën fitoi vetëm në momentet vendimtare ndaj Rahovecit 029, 82:74.
Ndeshja u zhvillua në palestrën “13 Qershori” në Suharekë, pasi palestra “Sezai Surroi” në Prizren ende është e zënë nga KQZ-ja.
Pjesa e parë u mbyll 50:44 në të mirë të prizrenasve, ndërsa rahovecasit e fituan çerekun e tretë, 16:14.
Edhe
Fitorja e dytë radhazi për Bashkimin
Mysafirët hynë në lojë në fundin e çerekut të katërt, por pa arritur ta shmangin disfatën.
Rahoveci 029 fitoi në xhiron e parë ndaj Borës.
Statistikat më të mira te Bashkimi i pati Isaiah Cousins me 18 pikë, tetë kërcime e pesë asistime.
Lejson Zeqiri ndeshjen e mbylli me dyshifror të dyfishtë prej 17 pikëve, dhjetë kërcimeve e një asistimi.
Edhe
Bashkimi nuk lejon befasi, mposht Rahovecin 029
Jan Palokaj dha kontribut të madh në fitore po ashtu me 16 pikë, pesë kërcime e dy asistime.
Te Rahoveci 029, më i miri ishte Isiah Umipig me 27 pikë, dy kërcime e katër asistime.
