Volkswagen T-Roc, modeli i fundit benzinë i VW-së në Evropë

Volkswageni planifikon të ofrojë vetëm modele elektrike në Evropë nga viti 2033. Në një strategji për përshpejtim të transicionit drejt tregut elektrike, Volkswageni ka konfirmuar se T-Rocu i ri do të jetë modeli më i fundit që do të prezantohet me motorë me djegie, benzinë dhe dizel.

Kjo nënkupton se Golfi i ri do të jetë vetëm në versionin elektrik, ndërsa Passati, Tiguani e Touaregi mund të marrin edhe nga një version me djegie para kalimit përfundimtar në variante elektrike.

Deri në fillim të dekadës së re, VW-ja mund të sjellë modele me djegie të brendshme, por gjithsesi ato do të jenë me sistemin e ri “Euro 7” që emetojnë më pak gazra ndotës.

Brenda Grupit VW, SEAT-i është i vetmi që s’ka njoftuar për planet për elektrifikim.