Dy të mitur të cilët ishin në vuajtje të dënimit në qendrën e edukimit korrektues në fshatin Grackë e Vjetër, në Lipjan janë arratisur.
Rastin e ka raportuar në Polici, mbikëqyrësi i qendrës së edukimit korrektues QEK për të mitur.
“Mbikëqyrësi i qendrës së edukimit korrektues (QEK)-së për të mitur, ka raportuar se dy persona meshkuj kosovarë që kanë qenë në vuajtje dënimit – masës edukative kanë arritur të arratisen nga institucioni dhe janë larguar në drejtim të panjohur”, thuhet në njoftim.