Kompania e automobilave Tesla, ka rritur çmimet në Shtetet e Bashkuara të Amerikës për të gjitha automjetet e saj përveç Modelit 3, raportoi të dielën Reuters.
Edhe pse është shënuar rritje në çmimet e Model S, X dhe Y me përqindje të ulëta njëshifrore, ato janë ende dukshëm më të ulëta se në fillim të vitit.
Kompania rriti çmimet për të gjitha variantet e automjeteve të saj Model S dhe X me çmim më të lartë se 1000 dollarë, ndërsa çmimet e të gjitha varianteve Model Y u rritën për 250 dollarë.
Këto përfaqësojnë një rritje prej rreth 0.5% në 1.1% që nga ndryshimet e fundit të çmimeve.
Kjo është rritja e dytë e çmimeve për veturat Model S, Model X dhe Model Y që nga 19 prilli, kur Tesla uli çmimet e fundit për disa nga automjetet në SHBA.
Tesla ka ulur çmimet globalisht që nga janari, duke kërkuar të nxisë shitjen. Drejtori ekzekutiv, Elon Musk, ka thënë se kompania është e gatshme të sakrifikojë marzhin për vëllimin e shitjeve, por gjithashtu po kërkon t'i kthejë çmimet e ulura.
Edhe
Tesla rrit çmimet për 5,000 dollarë në disa modele
Edhe pas rritjes së fundit të çmimeve, modelet bazë të veturave S dhe X mbeten më të lira për 16% dhe 19% në SHBA, krahasuar me fillimin e vitit, ndërsa versioni me rreze të gjatë të Model Y është rreth 23% më i lirë.
Modeli S tani kushton 88,490 dollarë, ndërsa Modeli X ka një çmim prej 98,490 dollarë.
