Skandali i vitit 2015 i solli shumë dëme gjigantit gjerman të veturave Volkswagen, në shumë mënyra dhe pos imazhit e dëmtoi edhe në llogaritë bankare.
Komisioni Federal Tregtar i SHBA-së ka bërë të ditur këtë javë se VW-ja u ka paguar blerësve të veturave të kësaj marke dëmshpërblim prej 9.6 miliardë dollarë, pasi para shpërthimit të skandalit me emetimin e gazrave, i njohur si “Dieselgate”, kompania i kishte joshur me reklamën “Diesel i pastër”.
Siç bëhet e ditur, në këtë shumë është përfshirë edhe dëmshpërblimi për blerësit e veturave Porsche, që është pjesë e grupit të VW-së.
Blerësve të veturave Volkswagen dhe Porsche, të cilët kanë blerë modele me “motor të pastër diesel”, u janë ofruar dy mundësi: të kthejnë veturat te kompania me një kompensim monetar apo të vendosin për modifikim të tyre pa kosto shtesë.
Raporti, të cilin e bëri të ditur KFT-ja, bën të ditur se 86 për qind e blerësve vendosën të kthejnë veturat e tyre.
VW-ja në vitin 2015 pranoi se në 550.000 vetura diesel të shitura në SHBA, kishte vendosur fshehtas një pajisje që do të jepte rezultate të rrejshme ne testet për emetimin e gazrave.
-
Volkswageni do t’ua paguajë 227 milionë euro mbi 90 mijë shoferëve në Britani
-
Volkswageni humb rastin në Evropë për skandalin me veturat dizelë
-
“Volkswageni”, nga balta në rrugë të pastër
-
Gjykata e SHBA-së refuzon kërkesën e Volkswagenit, prapë mund të dënohet me miliarda dollarë për mashtrimin me emetim të gazrave
-
Volkswagen do t’u paguajë 830 milionë euro dëmshpërblim klientëve të tij në gjermani