Gjykata e SHBA-së refuzon kërkesën e Volkswagenit, prapë mund të dënohet me miliarda dollarë për mashtrimin me emetim të gazrave

Gjykata e Apelit në SHBA të hënën ka thënë se Volkswageni nuk mund t’i ik penaltive potenciale financiare nga shteti i Floridës dhe Utah, gjë e cila do të rriste dënimin prej miliarda dollarësh për mashtrim me emetim të gazrave për prodhuesin gjerman të veturave.

Një panel unanim i përbërë nga tre gjyqtarë nga 9 sa janë krejtësisht nga Gjykata e Qarkut për Apele në SHBA, ishte një fitore për shtetin e Salt lake County të Utah’s si dhe Hillsborough County të Floridës.

Që të dy këto shtete kanë paditur Volkswagenin për emetim të dëmshëm të gazrave, e që në teori mund të kërkojnë miliarda dollarë dëmshpërblim, transmeton KOHA.

Volkswageni është dënuar për mbi 20 miliardë dollarë për mashtrim me emetim të gazrave të veturave të tyre, por kjo shumë nuk e ka siguruar atë që nuk do të dënohet edhe nga qeveritë lokale e shtetërore, sipas gjykatës së apelit, raporton reuters.

Volkswageni ka pranuar se ka përdorur një softuer ilegal për të mashtruar testet e SHBA-së për emetim të gazrave në vitin 2015, duke bërë që veturat e tyre të lirojnë 40 herë më shumë gazra, se sa që është e lejuar.

Skandali me emetimin e gazrave nga veturat me naftë, deri tani i ka kushtuar Volkswagenit 30 miliardë euro.