Rusia po planifikon të nisë prodhimin e veturave të epokës sovjetike Moskvich, në dhjetor, njoftoi kryebashkiaku i Moskës, Sergei Sobyanin, raportoi Reuters të enjten.
Prodhimi u tha se do të bëhet në fabrikën franceze të Renaultit, pasi kjo kompani i shiti shumicën e aksioneve te prodhuesi i veturave Avtovaz.
Sobyanin shtoi se prodhimi i Moskvichit do t'i ruante mijëra vende pune, ndërsa uzina e riemërtuar Fabrika e Automjeteve në Moskë, ka qëndruar e pafunksionalizuar që nga maji.
“Industria e automobilave ka dështuar seriozisht sivjet, por megjithatë, shpresoj se ne mund të nisim fabrikën e Moskvichit në dhjetor, me ndihmën e Ministrisë së Industrisë dhe Tregtisë”, deklaroi kryetari i Moskës.
Moskvich pushoi së prodhuari dy dekada më parë.
Edhe
Volkswageni planifikon ulje drastike të prodhimit
Sipas udhëheqësve të fabrikës, sivjet pritet të prodhohen 600 makina, duke përfshirë 200 elektrike, ndërsa gjatë 2023-s, synohet 50 mijë.
Për këtë fabrikë janë investuar 5 miliardë rubla, që në euro i bien 82 milionë.
