Renaulti ka marrë vendim ta përfundojë prodhimin e modelit Megane RS vitin e ardhshëm, shkruan Autocar.
Informacioni u konfirmua nga menaxheri i përgjithshëm i Renaultit në Australi, Glen Sealy, i cili i tha revistës australiane Drive se vendimi u mor për shkak të rënies së kërkesave për këtë model.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Megane RS përfundon vitin e ardhshëm. Nuk mund të them datën e saktë për momentin, por prodhimi definitivisht nuk do të vazhdojë pas vitit të ardhshëm. Kërkesa për modele të fuqishme hatchback në Evropë po dobësohet. Zëvendësimi mund të jetë një veturë elektrike, që ka kuptim”, ka thënë Sealey.
Renaulti spekulohet se është duke punuar në një version më të fuqishëm të modelit Megane E-Tech që do të kishte fuqinë dhe performancën e Megane RS. Aktualisht, Megane më i fuqishëm zhvillon 218 kf dhe përshpejton nga 0 në 100 km/h në 7.4 sekonda.
E ardhmja e modeleve të fuqishme hatchback me motorë me djegie të brendshme është e pasigurt dhe pritet që Renaulti të prezantojë versionin e fundit dhe numerikisht të kufizuar të modelit.