Një analizë e kompanisë së sigurimeve AXA shpjegon pse veturat elektrike përfshihen më shpesh në aksidente sesa ato me benzinë apo naftë. Sipas saj, problemi nuk qëndron te teknologjia, por te mënyra se si i drejtojnë shoferët.
Përshpejtimi i menjëhershëm dhe fuqia e madhe janë shpesh joshëse për shumë drejtues. Pikërisht kjo bën që veturat elektrike të përfshihen në një numër më të madh aksidentesh. Të dhënat e vitit 2024 nga AXA tregojnë se drejtuesit e veturave elektrike shkaktojnë rreth 50% më shumë aksidente që rezultojnë me dëmtime të vetë automjetit, krahasuar me pronarët e veturave me motorë me djegie të brendshme.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë fakt, shumica e veturave elektrike, sidomos modelet me performancë të lartë, kanë çift rrotullues shumë të madh që aktivizohet menjëherë, edhe me një shtypje të lehtë të pedalit të gazit. Kjo mund të çojë në përshpejtim të papritur dhe të fuqishëm, të cilin shoferi mund të mos arrijë ta kontrollojë.
Si rezultat, jo vetëm që rritet numri i aksidenteve, por ndryshon edhe natyra e tyre. Rreziku më i madh ndodh gjatë përshpejtimit, jo gjatë frenimit. Kjo është veçanërisht e theksuar te veturat e mëdha dhe të fuqishme, të cilat zakonisht janë më të shtrenjta. Për pasojë, edhe dëmet në aksident janë më të mëdha financiarisht.
Testet e përplasjes të kryera nga kjo kompani sigurimesh kanë zbuluar një dobësi tjetër të veturave elektrike: shasinë. Ajo mund të dëmtohet lehtë nëse automjeti kalon mbi një pengesë. Bateria është e vendosur mbi shasi dhe, megjithëse është e mbrojtur mirë në pjesët anësore, të përparme dhe të pasme, pjesa e poshtme mbetet më pak e mbrojtur.
Kjo e bën shasinë “pikën e dobët” të veturave elektrike, pasi bateria nuk ka mbrojtje shtesë nga poshtë. Drejtuesit duhet të jenë të vetëdijshëm për këtë rrezik.
Kompania u bën thirrje prodhuesve të automjeteve që të marrin masa shtesë sigurie, si për shembull instalimi i paneleve mbrojtëse në pjesën e poshtme, të cilat do të parandalonin dëmtimin e baterisë dhe zjarret e mundshme.
Megjithatë, frika nga zjarret te veturat elektrike është më e madhe sesa rreziku real. Vetëm 5 nga 10 mijë vetura elektrike përfshihen nga zjarri, që përkthehet në një normë prej 0.05%. Pra, rreziku është shumë i ulët dhe madje më i vogël se disa rreziqe të tjera të zakonshme.