Pronari i një veture Tesla në Finlandë e hoqi qafe më zhurmë të madhe automjetin që nuk po punonte më.
Tuomas Katainen hodhi në erë Tesla Model S të modifikuar të vitit 2013, dhe regjistroi ngjarjen shpërthyese në një video tashmë virale në YouTube, e cila u postua në fillim të këtij muaji. Sipas mediave, Katainen e mori këtë vendim pasi iu tha se do t'i kushtonte rreth 19,000 euro për të zëvendësuar baterinë e makinës.
Katainen e bleu për herë të parë veturën më shumë se një vit e gjysmë më parë, sipas CNN. Në fillim, makina funksionoi mirë, por pas rreth 1,400 km, Katainen filloi të vërejë rrjedhje uji dhe kodet e gabimit.
Pasi e çoi makinën në një dyqan riparimi dhe mori vlerësimin e kushtueshëm të riparimit, Katainen mori vendimin të shkonte në një rrugë tjetër.
Ai më pas kontaktoi me disa YouTubers, duke përfshirë Lauri Vuohensilta nga kanali i njohur Hydraulic Press, si dhe ekspertët që qëndrojnë pas kanalit Pommijatkat ("Djekët e bombave").
Kur erdhi koha për ngjarjen kryesore, ekipi hoqi baterinë dhe motorët e Teslës dhe e transportoi makinën në vendin e shpërthimit në Jaala, një fshat që ndodhet dy orë jashtë Helsinkit, sipas burimit.
Edhe
Zjarrfikësit përdorën 45.425 litra ujë për ta shuar një Tesla Model S
Më pas, falë 66 lbs. të dinamitit, Katainen i ka thënë lamtumirë Teslës së tij, e cila u hodh në erë në një gurore të braktisur me ndihmën e Bomb Dudes dhe vullnetarëve të tyre.
Përpara se të hidhte në erë Teslën, grupi hodhi një bedel të bërë për t'u dukur si themeluesi i kompanisë Elon Musk nga një helikopter në makinë. Figura më pas u lidh në Tesla përpara se të aktivizoheshin eksplozivët.
E gjithë ngjarja e regjistruar në dhjetor të këtij viti ka mbi pesë milionë shikime që nga mëngjesi i së enjtes.
