Volkswageni ka prezantuar një version special të Golf R me rastin e ditëlindjes së 20-të të këtij modeli sportiv, shkruan Autocar.
Golf R u prezantua 20 vjet më parë, dhe tani një model i veçantë po vjen nga Volkswagen. Golf R i ri ruan të njëjtin motor turbo-benzine 2.0, i cili tani është rritur me 13 kuajfuqi.
Versioni jubilar i Golf R vjen i kombinuar me një transmetim të përmirësuar DSG me 7 shpejtësi që transmeton fuqinë në të katër rrotat.
Modifikime janë bërë edhe në turbinë, kështu që rezultati përfundimtar vërehet gjatë vozitjes.
Çmimi nuk është bërë i ditur, por pritet që versioni special i Golf R të jetë rreth 10 mijë euro më e shtrenjtë se e zakonshme.
