Nissani shtyn sërish lansimin e veturës elektrike Ariya

Kompania Nissan Motor ka shtyrë sërish lansimin e veturës së saj elektrike Ariya B6 SUV, për shkak të mungesës së gjysmëpërçuesve dhe ndërprerjeve të tjera të zinxhirit të furnizimit, ka bërë të ditur të hënën në mbrëmje, kompania japoneze.

Modeli i dytë elektrik i veturës Nissan, Ariya tani do të dalë në shitje më 12 maj në Japoni.

Vetura ishte paraparë të lansohej në mesin e vitit 2021, mirëpo ishte shtyrë për shkak të mungesës së çipave, si pasojë e COVID-19.

Shitjet në Evropë parashihet të nisin gjatë verës, ndërkaq në SHBA gjatë vjeshtës, ka bërë të ditur Nissani.

Një edicion i kufizuar i SUV-ëve kishte dalë në shitje në Japoni ashtu siç ishte planifikuar, në janar të këtij viti.