Kur Cybertruck u prezantua nga Tesla në fund të vitit 2019, 250 mijë porosi u mblodhën vetëm gjatë javës së parë. Kërkesa për automjet nuk u ndal as vitin e ardhshëm, duke rritur numrin në 650 mijë në qershor të vitit 2020. Siç shkruante Electrek, në maj 2021, numri i rezervimeve e kaloi një milion, dhe sot ka arritur pothuajse në 1.5 milionë, megjithëse Tesla nuk e ka konfirmuar zyrtarisht këtë.
Në këtë mënyrë, kompania amerikane ka mjaftueshëm automjete të porositura për tre vitet e para të prodhimit dhe shefi Elon Musk ka thënë se Tesla do të ndalojë pranimin e porosive nga Evropa dhe Kina.
Cybertruck do të prodhohet në fabrikën në Teksas dhe libri i porosive do të vazhdojë të jetë i hapur për klientët e Amerikës së Veriut.
Cybertruck u prezantua në vitin 2019, por pas vonesave të shumta, u vendos që prodhimi të mos fillonte deri në vitin 2023. Blerësit evropianë zakonisht i marrin automjetet e tyre shumë më vonë se blerësit e Amerikës së Veriut, pasi vendi i origjinës është zakonisht i pari që merr dërgesat.
Përveç kësaj, problemet me homologimin për shkak të dizajnit specifik të modelit Cybertruck do të ndikojnë gjithashtu në ndërrimin e datës së dorëzimit për tregun evropian.
Musk ka thënë më herët se një version më i vogël i kamionit me një dizajn paksa të ndryshëm mund të bëhet për Evropën.
