Sekretari i Përgjithshëm për çështje ekonomike dhe zhvillim në Ministrinë e Punëve të Jashtme të Greqisë, Ioannis Brachos, ka thënë se Greqia sheh potencial në rritjen e shkëmbimit ekonomik me Kosovën.
Në një takim me presidentin e Kosovës Hashim Thaçi, Brachos ka deklaruar se Greqia po kërkon mundësi të thellimit të bashkëpunimit dhe shkëmbimit ekonomik.
Thaçi në anën tjetër u shpreh se “Kosova e çmon qasjen konstruktive të Greqisë ndaj Kosovës dhe përkrahjen që po i jep në organizatat ndërkombëtare”.
“Kemi ndërtuar marrëdhënie të mira me Greqinë dhe po punojmë që këto të thellohen edhe më tutje”, u shpreh Thaçi.
Thaçi ka mirëpritur edhe marrëveshjen e fundit mes Athinës dhe Shkupit për emrin. Ai vlerësoi se “ky është kontribut për stabilitetin në tërë rajonin e Ballkanit”.
Thaçi e mirëpriti angazhimin e sekretarit Brachos dhe theksoi se Kosova mbetet e përkushtuar për arritjen e paqes dhe stabilitetit afatgjatë në Kosovë dhe rajon, të cilat do të mundësojnë që vëmendja dhe resurset të përqendrohen në zhvillim dhe bashkëpunim ekonomik.
-
Kosova mirënjohëse për mbështetjen greke, kërkon fuqizim të partneritetit ekonomik
-
Greqia e interesuar për thellimin e bashkëpunimit ekonomik me Kosovën
-
Kosova së shpejti me zyrë ekonomike dhe përfaqësim në Athinë
-
Thaçi e Kotzias flasin për avancimin e bashkëpunimit të ndërsjellë
-
Osmani: Thellimi i bashkëpunimit Kosovë-Greqi i dobishëm edhe për rajonin