Ziadin Sela ka dhënë dorëheqje të dielën nga posti i kryetari të Aleancës për Shqiptarët.
Dorëheqja e tij ndodhi pas humbjes së partisë së tij në zgjedhjet e së shtunës për këshillin komunal në Tetovë.
Aleanca për Shqiptarët nuk ka fituar asnjë këshilltar ndërsa në përbërjen e deritanishme ka pasur tre të tillë.
Sela tha se nuk e ka pritur një rezultat të tillë andaj edhe merr përgjegjësinë, shkruan “Alsat M”.
“Nga ky moment marr përgjegjësinë dhe jap dorëheqjen e parevokueshme si kryetar partie. Në periudhën në vijim, organi më i lartë i partisë pas dy Kongreseve dhe Kuvendi Qendror duhet të ulet dhe të vendosë se kush do të jetë ushtrues detyre i kryetarit të partisë”, ka deklaruar Sela.
Artikuj të ngjashëm