Ministri i Shëndetësisë, Armend Zemaj, ka reaguar pas vendimit të Qeverisë së Maqedonisë së Veriut, ku u kërkohet test për COVID-19 kosovarëve që kalojnë kufirin.
Zemaj ka thënë se ky vendim vështirëson qarkullimin e lirë të njerëzve dhe mallrave mes dy shteteve.
Ai ka njoftuar se përmes ambasadorit Gjergj Dedaj ka shprehur shqetësim për këtë veprim dhe se ka kërkuar që të evitohen këto barriera.
“I kërkova ambasadorit që të adresojë tek organet kompetente nevojën e bashkëpunimit ndërshtetëror, me qëllim të tejkalimit të pandemisë dhe koordinimit të përbashkët në luftën kundër virusit korona”, ka shkruar Zemaj.
Qeveria e Maqedonisë së Veriut ka vendosur që qytetarët e Kosovës, Serbisë, Malit të Zi dhe Bosnjë-Hercegovinës të paraqesin test PCR negativ nëse duan të hyjnë në vend.
Masa nuk vlen për shtetasit e këtyre vendeve që e kalojnë Maqedoninë vetëm si transit.
-
Zemaj paralajmëron mundësinë e hapjes së kufirit me Maqedoninë
-
Kosova dhe Maqedonia e Veriut javën e ardhshme pritet të hapin kufijtë pa kushte
-
Kosova dhe Maqedonia e Veriut diskutojnë për gjendjen me COVID-19 dhe hapjen e kufijve
-
Kosovës vazhdojnë t’i vënë “vija të kuqe” shumë shtete
-
Shtetasve të Kosovës pritet t'u kërkohet testi për COVID për të hyrë në Maqedoni të Veriut