Pak ditë pasi kundërshtoi vendimin e Qeverisë për vendosjen e zonës Ekonomike Amerikane në qytetin e Gjakovës, duke e quajtur vendim politik, kryetari i Vushtrrisë, Xhafer Tahiri, si duket ka ndërruar qëndrim.
Kreu i Vushtrrisë kishte mysafir të hënën ministrin e Tregtisë dhe Industrisë, Bajram Hasani, me të cilin nënshkroi marrëveshjen për formimin e zonës ekonomike në këtë komunë, raporton KTV.
Tahiri, krijimin e kësaj zone ekonomike e vlerësoi si investimin më të madh në 50 vjetët e fundit.
I pyetur përse po krijohen kaq shumë zona ekonomike nëpër komuna të vendit, ministri Hasani tha se po zbatojnë kërkesat e bizneseve.
E, qytetarët e Vushtrrisë e mirëpresin nënshkrimin e kësaj marrëveshjeje, pasi besojnë se kjo do të ndikojë në hapjen e vendeve të reja të punës.
Zona ekonomike e Vushtrrisë do të vendoset në një territor prej 14.8 hektarësh.
-
Edhe Vushtrria bëhet me zonë ekonomike
-
Tahiri: Gjakova zonën ekonomike amerikane nuk e fitoi me meritë, por me ndihmën e qeverisë
-
Kronikë zgjedhore \ LDK-ja premton punësim në Vushtrri e zhvillim ekonomik në komunat e tjera
-
Kritikohet qeverisja e Tahirit, kandidatët për Vushtrrinë shpalosin programet
-
LDK-ja rikandidon Xhafer Tahirin për kryetar të Vushtrrisë