Vitin e kaluar, 250 ankesa për kontestim të konkurseve

Kontestimi i konkursit, kompensimi material dhe ndërprerja e marrëdhënies së punës kanë qenë subjekt i 596 ankesave të nëpunësve civilë dhe kandidatëve për pranim në shërbimin civil, të paraqitura në Këshillin e pavarur mbikëqyrës për shërbimin civil të Kosovës gjatë vitit 2016. Këtyre i është shtuar edhe numri prej 58 ankesash të bartura nga vitit 2015, duke e ngritur kështu numrin në 654, shkruan sot Koha Ditore.

Kryetari i Këshillit të pavarur mbikëqyrës për shërbimin civil të Kosovës, Shkëmb Manaj, në prezantimin e raportit vjetor për 2016, para Komisionit parlamentar për administratë publike, qeverisje lokale dhe media, të mërkurën, ka folur për punën që ka bërë ky këshill gjatë vitit të kaluar, duke përmendur shqyrtimin e ankesave dhe monitorimin e zbatimit të Ligjit për shërbimin civil. Pas prezantimit, deputetët anëtarë të Komisionit kanë kërkuar sqarime se cilat institucione kanë pasur më shumë kontestime të konkursit dhe se a janë të ndërlidhura këto kontestime për shkak të nepotizmit apo lidhjeve partiake gjatë rekrutimit për të punësuarit në ato konkurse.

(Më gjerësisht lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.