Vendimet gjyqësore ia kanë harxhuar Komunës së Podujevës më shumë se 51 mijë euro për gjashtë muajt e parë të këtij viti.
Në raportin financiar janar-qershor shihet se për këtë çështje janë prezantuar dy pagesa, ku në njërën figurojnë 41.809 euro dhe në tjetrin 9678 euro, e që bashkë bëjnë 51.487 euro, shkruan sot Koha Ditore. Shumë pak më e vogël është “djegur” nga automjetet zyrtare për këta muaj.
Siç thuhet në raport, vetëm karburant për vetura, zyrtarët e kësaj komune i kanë shpenzuar 23.165.61 euro, për regjistrimin e këtyre automjeteve 3195 euro, sigurimi 2.561.78 dhe mirëmbajtja dhe riparimi i automjeteve 7.757.94 euro, që në total janë 36.680 euro.
Sipas të njëjtit dokument, komunarët e Podujevës kanë harxhuar edhe 3600 euro për udhëtime. Siç shihet në raport, 277 euro janë për shpenzimet e udhëtimit jashtë vendit, 1.273.20 euro për mëditje për udhëtim jashtë vendit, 1.157.58 euro avancë për udhëtime zyrtare dhe 900 euro akomodimi.
Zyrtarët komunalë nuk i kanë lënë keq as drekat zyrtare, ku për këta gjashtë muaj i kanë harxhuar 1706 euro. (Artikullin e plotë mund ta lexoni në numrin e sotëm të Kohës Ditore)
-
Veturat zyrtare i kushtojnë Podujevës 56 mijë euro për nëntë muaj
-
Vendimet gjyqësore ia marrin buxhetit komunal të Podujevës afro 53 mijë euro
-
Komunës së Podujevës i merren 554.016 euro me vendime gjyqësore
-
Qeverisja lokale në Podujevë akuzohet për keqpërdorim e keqmenaxhim të buxhetit
-
Komunës së Podujevës i merren rreth 2 mijë euro për tre muaj nga vendimet e gjykatave