“Pushteti uzurpator i ndërmarrjeve shoqërore”, është kryetitulli i së dielës në Koha Ditore.
Shkrimi kryesor flet për ndërmarrjet shoqërore që nuk kanë mundur t’i nënshtrohen procesit të privatizimit për shkak të uzurpimit.
Shembull merret se si Qeveria e Kosovës me vite të tëra ka shfrytëzuar ndërtesën e ish-ndërmarrjes shoqërore “Bankos” që gjendet në sheshin Skënderbeu në kryeqytet për nevoja të veta, pa pasur kontratë për shfrytëzimin e saj.
Në intervistë, avokati Bejtush Isufi, tregon se pse likuidimi i ndërmarrjeve shoqërore është në kundërshtim me kushtetutën
Reportazhi i së dielës flet për klubet e hapura të pensionistëve dhe si ia dalin të vetorganizohen të moshuarit e Gjilanit, dhe pse ata kërkojnë të mos u prishet parku i qytetit
Për hijen e Escobarit që përndjek një qytet të tërë kolumbian dhe për argëtimin si mënyrë e vetme e mbijetesës në Athinë, mund të lexoni në faqet e botës.
Edhe
Pushteti uzurpator i ndërmarrjeve shoqërore
Faqet e kulturës sjellin rrëfimet: Për muzikanten e udhëtimit kozmik me tinguj dhe për artistin që reagon e reflekton në lojë me kaosin
Për kampionin e madh para dhe pasluftës në Kosovë, Qubrelin, për “beben e madhe” të Guatemalës, që është kthyer në hero të Gjilanit dhe ekipet refugjate të futbollit që sfidojnë racizmin në Itali, mund të lexoni në faqet e sportit.
Këto dhe shkrime të të tjera interesante nga kinematografia, shkenca, teknologjia, moda e shumëçka tjetër, mund t’i lexoni në 82 faqet e numrit të së dielës në “Koha Ditore”.
