Në kuadër të angazhimit të vazhdueshëm për lehtësim të qarkullimit të parave të gatshme në ekonomi, Banka Qendrore e Kosovës ka njoftuar se këtë fillimvit ka rishikuar tarifat që i aplikon ndaj bankave për transaksionet e ndërsjella monetare.
“Rrjedhimisht, është zvogëluar tarifa për depozitimin e monedhave metalike të denominuara në euro në BQK nga 5,00% në 3,75%. Ky ndryshim do të jetë efektiv nga data 1 mars 2022”, ka njoftuar BQK-ja.
Vendimi për zvogëlimin e tarifës për depozitimin e monedhave metalike të denominuara në euro është marrë në mbledhjen e Bordit Ekzekutiv të BQK-së.
BQK-ja pret që tarifa e ndryshuar të ndikojë në ngritjen e qasjes si të qytetarëve ashtu edhe të bizneseve në shërbimet e bankave vendore me para të gatshme.
Kostoja aktuale për BQK-në për realizimin e operacioneve të lidhura me aktivitetin bankar të depozitimit të monedhave metalike vazhdon të mbetet e konsiderueshme.
Sa i përket furnizimit me monedha metalike të denominuara në euro, që nga viti 2015, tarifa e aplikueshme për bankat vendore për tërheqje është 0,00% (falas).
-
Shqipëria nis përgatitjet për ta zëvendësuar lekun me euro
-
BQK parashikon ngadalësim të rritjes ekonomike e përshpejtim inflacioni
-
Banka Qendrore Evropiane rrit normat e interesit në Eurozonë
-
Nga 1 qershori nuk lejohen pagesa me para të gatshme mbi 2 mijë euro
-
Miratohet projektligji për shërbimet e pagesave, Murati thotë se do të ulet kostoja