Tregtari shqiptar i drogës i shpëtoi deportimit nga Britania pasi “do t’i shkatërrohej martesa”

Një tregtar shqiptar i drogës i kishte shpëtuar depërtimit nga Britania e Madhe pasi një gjykatë vendosi se marrëdhënia e tij me bashkëshorten “do të zbehej” nëse do të largohej nga vendi.

R.M. u dënua me katër vjet e gjysmë burg në Manchester Crown Court në vitin 2023 për përfshirjen e tij në një grup kriminal që menaxhonte një fermë të madhe kanabisi. Ministria e Brendshme britanike përpiqej ta deportonte, por burri apeloi në një tribunal të nivelit të ulët të imigracionit.

Partnerja e tij portugeze i tha tribunalit se nuk do të zhvendosej në Shqipëri, pasi nuk donte të largohej nga motra e saj, e cila jeton me të në Britani. Gjyqtari i tribunalit të parë ka thënë se kjo do të thoshte se martesa e tyre do të zbehej dhe vendosi që ai mund të qëndronte në vend pasi të përmbushte kriterin për “rrethanat bindëse”.

Megjithatë, vendimi i tribunaleve të nivelit të parë u anulua nga një tribunal më i lartë i imigracionit, i cili vendosi se arsyetimi ishte “jashtëzakonisht i pamjaftueshëm”.

Shqiptari kishte hyrë në Britani në mënyrë të fshehtë në qershor të vitit 2018, para se të aplikonte dhe të merrte statusin e paracaktuar nën skemën e vendosjes së Bashkimit Evropian. Megjithatë, në qershor 2023 ai u dënua për vepra penale të drogës.