Trefishohet buxheti për trajtim të qenve endacakë

Komisioni parlamentar për Buxhet dhe Financa ka marrë vendim që të trefishojë buxhetin për trajtimin e qenve endacakë në nivel të Kosovës, gjë të cilën e ka kërkuar qe dy vjet Asociacioni i Komunave të Kosovës, shkruan sot Koha Ditore.

Ky komision ka aprovuar rritjen e buxhetit për linjën institucionale, e cila trajton problemin e qenve endacakë në vlerë prej 1.517.374 eurosh, që është trefish më i lartë sesa shuma që ka qenë e dedikuar deri tash, ka bërë të ditur për “Kohën Ditore” kryetari i Komisionit për Buxhet dhe Financa, në Kuvendin e Kosovës, Lumir Abdixhiku.

Ai ka thënë se ky komision ka trefishuar buxhetin për trajtimin e qenve endacakë në vend, gjë e cila ka ardhur si përgjigje ndaj kërkesave e brengave të shumë qytetarëve, pasi që, sipas tij, ky problem nacional duhet të zgjidhet shpejt...(Më gjerësisht, sot në “Kohën Ditore”).