Presidenti i Kosovës, Hashim Thaçi, i cili po qëndron në Munih të Gjermanisë për të marrë pjesë në Konferencën e Sigurisë, ka zhvilluar takime me zyrtarë të BE-së.
Sipas një postimi në Facebook, Thaçi ka treguar se ka takuar komisionerët Johannes Hahn dhe Dimitris Avramopoulos me të cilët ka diskutuar çështjen e liberalizimit të vizave.
Thaçi thotë se zyrtarët evropianë i kanë thënë atij se pengesa e vetme në këtë drejtim është demarkacioni me Malin e Zi.
“Komisionerët Hahn dhe Avramopoulos ritheksuan edhe sot se Brukseli po e pret vetëm edhe ratifikimin e Marrëveshjes për demarkacion për të hequr regjimin e vizave për qytetarët e Kosovës”, ka thënë Thaçi, raporton Koha.net.
Ai theksoi se tani është në duart e deputetëve të Kuvendit të Kosovës që të vendosin se kur qytetarët e Kosovës do të lëvizin të lirë në zonën Schengen.
-
Thaçi s’e përmend kushtin e korrupsionit për liberalizim, kërkon që BE të nisë procedurat për heqjen e vizave
-
Thaçi thotë se Brukseli pret ratifikimin e demarkacionit për heqjen e vizave
-
Thaçi takohet me Plenkoviqin: Kosova pret që gjatë Presidencës kroate në BE të merret vendimi për liberalizim
-
Premtimet mbajnë “gjallë” jetësimin e liberalizimit të vizave
-
Thaçi takohet me Hahnin: Kosovarët kanë nisur të humbin durimin për vizat