Mbështete KOHËN. Ruaje të vërtetën
Arbëri

Szunyog: Po e vëzhgojmë votimin me 17 ekipe e rreth 60 persona në terren

Shefi i Zyrës së Bashkimit Evropian në Kosovë, Tomas Szunyog

Shefi i Zyrës së Bashkimit Evropian në Kosovë, Tomas Szunyog

Shefi i Zyrës së Bashkimit Evropian në Kosovë, Tomas Szunyog, ka thënë se janë 17 ekipe me rreth 60 persona në terren që po e vëzhgojnë votimin në qendra të ndryshme. 

Në një deklaratë dhënë KTV-së, Szunyogu ka thënë se i kanë koordinuar ekipet e ndryshme në të gjitha komunat ku po mbahet votimi, për të vërtetuar faktet nga terreni. 

“Vendosëm të dërgojmë vëzhgues në këtë proces. Janë organizuar shtetet anëtare të BE-së dhe organizatat ndërkombëtare nga vendet e tjera partnere, janë 17 ekipe për rreth 60 persona që kanë shkuar në qendra të ndryshme votimi”, ka thënë ai nga Zubin-Potoku. 

Ai ka thënë se do të vazhdojnë ta vëzhgojnë terrenin për t’i vërtetuar faktet.

Bashkësia ndërkombëtare e ka kritikuar bojkotin e zgjedhjeve për votimin pro apo kundër shkarkimit të kryetarëve të katër komunave veriore. Për bojkot të këtij procesi zgjedhor ka bërë thirrje Lista Serbe. 

Edhe Nis verifikimi i 85,700 votave me postë Zgjedhjet 2026 Nis verifikimi i 85,700 votave me postë

Ambasadori gjerman në Kosovë, Jorn Rohde, po ashtu ka vizituar qendrën e votimit në Zubin-Potok ku po votohet për apo kundër shkarkimit të kryetarit Izmir Zeqiri. 

Deri në orën 11:00, në këtë komunë kanë votuar vetëm shtatë qytetarë. 

Lexo përditësimet tjera
Votimi per shkarkim te kryetareve

Dështoi iniciativa për shkarkimin e kryetarëve në veri

Kreu i Komisionit Qendror të Zgjedhjeve, Kreshnik Radoniqi, ka njoftuar se s’ka kaluar procesi për shkarkimin...