Sindikata e Infermierëve ka nxjerrë konkluzat e Komitetit të SHSKUK-së. Përmes një komunikate ka njoftuar se, çdo punonjësi të SHSKUK-së i njihet resti rapid për COVID-19.
Por, testi duhet të bëhet brenda institucionit konform rregullave që i njëjti të njihet.
“Çdo të punësuari të SHSKUK-së (personeli shëndetësor dhe jo shëndetësor) i njihet testi rapid si test konfirmues për Covid-19 pozitiv, por i njëjti duhet të bëhet brenda institucionit, të regjistrohet në librat e protokollit dhe të lëshohet raport me shkrim nga mjeku i klinikës, spitalit apo institucionit përkatës. Për rezultatet e testeve duhet të njoftohet IKSHPK konform normave rregullative”, thuhet aty.
Sindikata e Infermierëve të Kosovës e ka mirëpritur këtë vendim të SHSKUK-së, pasi vendimi i fundit thoshte se infermierët dhe stafi tjetër shëndetësorë të cilët rezultojnë pozitivë në testimin rapid do cilësohen vetëm si të dyshuar për infeksion me COVID-19, ndërsa për ta konfirmuar, infermierët do duhej që të bënin një PCR test, përndryshe format tjera nuk do pranoheshin si dëshmi nga punëdhënësi.
“Sindikata e Infermierëve të Kosovës njofton anëtarësinë e saj, infermierët, mamitë dhe profesionistët tjerë shëndetësorë që nga sot SHSKUK/QKUK do i pranoj si dëshmi edhe rezultatet pozitive që dalin nga testimet rapide, ndërsa nuk do ketë nevojë për testin PCR për konfirmim të infeksionit”, ka njoftuar sindikata.
Edhe
Infermierët thonë se edhe nëse dalin pozitivë me test rapid, duhet të qëndrojnë në punë
