“Stabiliteti në Ballkan”, ndër temat që çojnë Blinkenin në Bruksel

Stabiliteti rajonal në Ballkanin Perëndimor është një nga temat që do t’i theksojë sekretari amerikan i shtetit, Antony Blinken, në takimin e ardhshëm të ministrave të jashtëm të NATO-s në fund të nëntorit, ka bërë të ditur Departamenti Amerikan i Shtetit të shtunën.

Sipas njoftimit, në takim Blinkeni “do të vërë në pah angazhimin e palëkundur të NATO-s për Ukrainën në luftën e saj kundër agresionit rus, do ta theksojë mbështetjen për demokracinë dhe stabilitetin rajonal në Ballkanin Perëndimor dhe do të diskutojë prioritetet për Samitin e Washingtonit në korrik të 2024-s”.

Takimi i ministrave të jashtëm do të mbahet në datat 28 dhe 29 nëntor.

Takimi vjen pak ditë pasi sekretari i NATO-s, Jens Stoltenberg, vizitoi Ballkanin Perëndimor. Ai ka kritikuar Serbinë për përqendrimin e ushtrisë në kufi me Kosovën, ndërsa përsëriti mbështetjen për dialogun