Organet e drejtësisë që mbulojnë territorin e rajonit të Prizrenit kanë raportuar për rritje të numrit të rasteve të dhunës në familje gjatë vitit 2019, në krahasim me vitin 2018.
Sipas të dhënave të publikuara nga Prokuroria Themelore në Prizren, del se ky organ i akuzës gjatë vitit të shkuar ka kryer 50 raste më shumë të dhunës në familje në krahasim me vitin 2018, derisa edhe drejtuesit e Gjykatës Themelore në Prizren kanë konfirmuar shtimin e rasteve të kësaj natyre.
Ndërkohë, Strehimorja e Prizrenit (Qendra për Strehimin e Grave dhe Fëmijëve), ku organet e drejtësisë i referojnë dhe i sjellin gratë, vajzat dhe fëmijët viktima të dhunës familjare për të marrë shërbimet e duhura, vazhdon që të ballafaqohet me paqëndrueshmërinë financiare edhe në këtë fillimvit, gjë që ka sjellë shpeshtimin e thirrjeve drejtuar institucioneve shtetërore përgjegjëse për zgjidhjen e këtij problemi, shkruan sot Koha Ditore.
Kryetari i Gjykatës Themelore në Prizren, Ymer Hoxha, teksa ka njoftuar për rritjen e numrit të rasteve të dhunës në familje, ka pranuar se ka edhe lëndë të papërfunduara, ani pse ato trajtohen me prioritet.
(Më gjerësisht lexoni në Koha Ditore)
-
Në Prizren vjet janë raportuar 14.5% më shumë raste të dhunës në familje se në vitin 2021
-
Ferizaj po regjistron në vazhdimësi rritje të rasteve të dhunës në familje
-
Rriten rastet kur gratë i nënshtrohen dhunës së familjarëve të bashkëshortit
-
Prokuroria e Prizrenit ka ngritur 274 aktakuza kundër 316 personave për rastet e dhunës në familje më 2021
-
Prokuroria e Prizrenit gjatë vitit 2021 ka trajtuar 301 raste të dhunës në familje