Shkolla fillore “Hasan Prishtina” në Prishtinë, e ka filluar procesin mësimor të martën, duke i dhënë kështu fund grevës së mësimdhënësve.
Mësimi në këtë shkollë po mbahet me orar të shkurtuar, nga 30 minuta ora.
Këshilli Grevist dhe Këshilli i Arsimtarëve të kësaj shkolle vendosën të hënën që të nisin mësimin, ndonëse siç është thënë, ata vazhdojnë ta përkrahin grevën e mësimdhënësve dhe për këtë edhe vendosën për orë të shkurtuara.
KTV-ja ishte të martën në këtë shkollë ku u pa entuziazëm te nxënësit.
Greva ka nisur më 25 gusht, derisa ajo po vazhdon të mbahet në shumicën e shkollave në Kosovë.
Mësimdhënësit, ndër të tjera po kërkojnë nga 100 euro shtesë në muaj, deri në miratimin e Ligjit për Paga, i cili aktualisht është në diskutim publik.
