Drejtori i Përgjithshëm i Policisë së Shteti në Shqipëri, Ilir Proda është shkarkuar. Mediat në Shqipëri raportojnë se shkarkimi i tij erdhi pasi nuk u garantua siguria e qytetarëve gjatë të shtunës në mbrëmje kur protestat e organizuara nga opozita u shoqëruan me shumë sulme e dëme.
Raportohet po ashtu se është shkarkuar edhe drejtori i Policisë së Tiranës, Elton Alushi.
Në protestën e mbrëmshme u dogj ish-residenca e diktatorit Enver Hoxha në qendër të Tiranës. Sulmi ndodhi gjatë protestës së mbrëmshme të opozitës, ku pati goditje me mjete ndezëse ndaj objektit, duke shkaktuar dëme materiale.
Për ngjarjen e mbrëmshme kanë reaguar edhe Ambasada e Francës në Tiranë dhe kryeministri i Shqipërisë Edi Rama, të cilët i dënuan veprimet e protestuesve. Ish-residenca që nga viti 2025 funksionon si rezidencë për artistë ndërkombëtarë.
Sipas policisë atje, në ambientet e vilës ndodheshin të paktën 12 artistë të huaj, të cilët u rrezikuan nga aktet e dhunës.
E djegia e fasadës së ish-residencës së Enver Hoxhës, duket se i ka kushtuar me karrierë Ilir Prodës. Siç raportojnë mediat në Shqipëri, në vend të tij është emëruar Sokol Bizhga. /TCH
-
Disa policë të lënduar e 18 protestues të arrestuar në Tiranë
-
Protestuesit në Shqipëri vlerësojnë se janë arritur disa objektiva madhore
-
Në Tiranë vazhdon të kërkohet dorëheqja e kryeministrit Edi Rama
-
Qori: Protesta nuk do të ndalet deri në dorëheqjen e Ramës
-
“Rama dorëhiqu”, dita e 27-të e protestave në Shqipëri