Shërbimi Korrektues në protestë para Qeverisë kundër Ligjit për paga

Pjesëtarë të Shërbimit Korrektues janë duke protestuar përballë ndërtesës së Qeverisë dhe Kuvendit, duke kërkuar nga Presidenti Hashim Thaçi që të mos dekretojë Ligjin për paga.

Zenun Sadikaj, kryetar i Sindikatës, ka thënë se në protestë janë stafi i qendrave të paraburgimit dhe Qendrave korrektuese.

Ka thënë se “janë viktima të njerëzve të paditur që janë ulur në kolltuqe”, raporton “Koha Ditore”.

Sadikaj ka thënë se nuk e kuptojnë ministrin e Drejtësisë se si i mbron prokurorët e gjykatësit që kanë paga shumëfish më të mëdha.

Ai ka kërkuar që të kenë koeficiente ashtu siç kanë Policët dhe rrezikshmërinë 40 për qind.

Te protesta e shërbimit korrektus ka dal edhe ish-drejtori i shërbimit korrektues Sokol Zogaj, i cili tani është këshilltar i kryeministrit dhe i ka ftuar përfaqësuesit në një takim në Kryeministri.