Shënohet Dita e Personave të Zhdukur, politikanët paraqesin shifra të ndryshme

21 vjet nga përfundimi i luftës në Kosovë, ende nuk dihet fati i të zhdukurve.

Janë gjithsej 1.643 njerëz të zhdukur për të cilët pritet përgjigje, por një e tillë nuk ka ardhur prej tash sa vite.

Më 30 gusht, kur shënohet Dita Ndërkombëtare për Personat e Zhdukur, politikanët e Kosovës kanë kërkuar zbardhjen e kësaj çështje, porse të njëjtit kanë paraqitur shifra të ndryshme të pagjeturve.

Në llogarinë e tij në Facebook, presidenti i Kosovës, Hashim Thaçi, ka kërkuar zbardhjen e fatit të 1.647 të zhdukurve.

Të njëjtën shifër e ka paraqitur edhe kryetari i Partisë Demokratike të Kosovës. Kadri Veseli ka shkruar po ashtu për 1.647 të zhdukur.

Kryetarja e Kuvendit të Kosovës, Vjosa Osmani, ka kërkuar drejtësi për 1.641 të zhdukur, e që më pas e ka ndryshuar statusin e saj në Facebook, në 1.643.

Edhe Arbëri 29 gus 2025 Kërkohet zbardhja e fatit të personave të zhdukur me dhunë në Kosovë

Por, sipas të dhënave të Misionit të Komitetit Ndërkombëtar të Kryqit të Kuq që llogariten më të saktat, janë 1.643 të zhdukur.

{gallery}